Selflove Meditation - du bist gut so wie du bist

Mich sich zufrieden sein in der Teenagerzeit.

Herz Mudra

Selflove - du bist gut so wie du bist (für Teen Yoga)
Du dörfsch dech uf de Rögge legge is Shavasana, id Schlussentspannig. Dini Bei send mattebreit usgstreckt, dini Arme legged näb dim Körper ond dini Handflächene zeiged nach ufe. Erlaub dim Körper ond Geist z' entspanne. Gniess de Zuestand im Hier & Jetzt. Du muesch jetzt gar nüd meh mache, du dörfsch eifach do legge. Gniess jede Atemzug. Atme bedütet Läbe ond Läbe bedütet Abenteuer.

Gspör die Ruhe, Entspannig ond Zfredeheit im ganze Körper. I jedere einzelne Zelle. Du chasch ganz du sälber si. Du besch guet so wie du besch. Atme nomol tüf i ond us. (Entspannungslied 2 min und Lavendelduft)

Ganz langsam dörfsch du dini Finger weder bewege. Leg mol 1 Hand ufs Herz ond 1 Hand uf de Buch. Gspör d'Wärmi i dim Körper. Gspör dine Herzschlag. Bis dankbar för de Körper wo du hesch, met allne Stärkene ond Schwächene. Du besch einzigartig ond guet so wie du besch. 

Ehr dörfed euch recke ond strecke, d' Auge öffne ond öber d' Site ine Sitz cho. Met euchne Händ formed mer jetzt es Herz. Lueged euch im Spiegel mol a ond ziehnd euchi Mundwinkel nach ufe. Genau so, schänked euch es Lächle.